मातृत्व सम्वन्धि जिल्ला स्तरीय समता र पहुँच तालीम

गुल्मी जेठ २३ 
प्रजनन् स्वास्थ्यमा चेतना वढाउने र प्रजनन् स्वास्थ्यमा समतामूलक ढंगवाट पहुँच अभिवृद्धि गर्ने उद्देश्यले आजदेखि गुल्मी जिल्लाको सदरमुकाम तम्घासमा प्रजनन् स्वास्थ्य सुदृढीकरणकालागि जिल्ला स्तरीय समता र पहुँच तालीम शुरु भएको छ । जिल्ला स्वास्थ्य कार्यालय गुल्मीको सहयोगमा राष्ट्रिय ग्रामिण तथा सामुदायीक विकास....
 केन्द्र नार्डेक नेपाल,सामाजिक जागरण तथा विकास अभियान गुल्मी तथा एकिकृत ग्रामिण विकास समाज गुल्मीको आयोजनामा उक्त तालीम संचालन गरिएको हो । तालीममा सुरक्षित मातृत्व, नवशिशुको स्वास्थ्यमा ख्याल गर्नु पर्ने कुराहर,सेवाको उपभोगमा हुने ढीलाईका कारणहरु र समाधानका सम्भावित उपाय तथा शुरक्षीत मातृत्व संवन्धि अधिकारहरुको विषयमा सहभागीहरुलाई जानकारी गराईले,सामाजिक जागरण तथा विकास अभियान गुल्मीका संयोजक विष्णु प्रसाद भण्डारीले जानकारी दिएका छन् । कार्यक्रममा जिल्ला स्वास्थ्य कार्यालय तथा आयोजक संस्थाका कार्यक्रम संयोजक, फिल्ड संयोजक र सामाजिक परिचालकहरुको सहभागिता रहेको छ । तीनदिनसम्म संचालन हुने उक्त तालीमको जिल्ला स्वास्थ्य कार्यालयका प्रमुख डा. भेषराज पोख्रेल र प्रकाश कोईरालाले सहजिकरण गर्नु भएको छ ।